La buku-klube mer ni

trabaxe de La libroklubanino de Debra Hamel, kon okei de la auter

da un zai di ya xam yam, long kata in hanu, e sir di ore la konverse de ale yam ja. meza pul de men buku-klube ni dure baxe proxe – xiu di a tema de buku (”mi sir di dai ame men ame-buku!”), ama max di no: a tema de famil mer, xopi, turbe.

da no suke damen, da xuru aha, e dure ore, zai fikre a tema de sabu. damen be rupa bas di doxe hin. ama damen baxa xiu di max ka bas teza, haha xiu di ver hin.

bil di mi be sabe vol (de) buku-klube, da fikre, ama no klube kon vo tipe di mer!

le ding, da inpoze su buku in bage, poze pesa a meze, e cute la restoran. bil di, in la ale proxe yamkan es un ajame de ore vale di buku-klube.