xiu baru du pati dante
un suba, ma baru ye yau to la bazar. ya loga to xiu baru: "no yam yo kandi o keke a dura de mi a bazar." xiu baru ye loga: "ye, ye, mama! mi sabe ya. mi un dai baru. cing to vai!" ma baru ye loga "salam" e ya to vai.
xiu baru si un zai. ya fikir: "mi zai bil fa eni xe jo mi vol!"
xiu baru ye move to vaxi kamar. ya fikir "mi no vol vaxi mi su dante a zai." xiu baru si dus.
xiu baru ye tire un xiu kar a pan un kamar. ya vide la keke sanduku a meza. ya fikir "mi vol yam ba keke!" a ya memo: "a! mama haram mi yam ba keke." xiu baru no yam ba keke.
xiu baru ye vide la kandi botel a almari. ya fikir "mi vol yam ba kandi!" a ya memo: "a! mama haram mi yam ba kandi." xiu baru no yam ba kande.
xiu baru vide la medu pote a alo almari. ya fikir: "mama loga siro xe tema de medu. mi bil yam medu!" xiu baru ye side a kursi e ya yam xiu medu. medu ye bon guste!
xiu baru ye yam pan medu.
pos, xiu baru ye sense un sense jo no sabe a boke. ya su dante pasi!
ya kape la tele fon gi. ya loga: "salam! sual tu si dante dava ja? cing lai to mi! mi ten un pasi dante!"
la dava ja ye lai to baru famili su dom. ya loga: "sual tu yau mede?" xiu baru loga: "si! mi ten pasi dante!"
la dava ja ye cing la xiu baru ye side a kursi e kai se su boke. "aha! un dante si poli dus! mi mus kape ya to ekse"
la dava ja ye juxa yo dava xe to dante nama a karibu de dus dante. xiu baru no sente la pasi de zai.
la dava ja ye tire la dante va pinse gi. a la dante no lai!
vaf ye lai mede la dava ja. la dava ja e vaf ye tire la dante, a la dante no lai!
mau ye lai mede la dava ja e vaf. la dava ja e vaf e mau ye tire la dante, a la dante no lai!
ekore ye lai mede la dava ja e vaf e mau. la dava ja e vaf e mau e ekore ye tire la dante...
la dante lai to vai!
la dava ja ye loga to xiu baru: "la dus dante zai a vai. cing memo uze un dante broxa a pan un suba e a pan un xam!" xiu baru ye vode memo.
xiu baru loga: "xukra, dava ja e vaf e mau e ekore!"
xiu baru ye vaxi ya su dante va un dante broxa a pan un suba e xam.
ma baru ye note la xiu baru fa mas bon di hafiza se su dante. mama loga: "tu si bon xiu baru!"