Editing Anansi e anjame de san xe men

https://i.imgur.com/RFDutHY.jpg

Anansi, dee de san xe, es tre san di arane. ama, no es be sukife kon da su san xe men. da vol max. da vol pan san xe de dunia.

da long dure safar dunia, jame pan san xe, lokize da men in pote. zai zaman, da yau lokize pote sekur loke e fa ding lokize da a moka. ama pote es max dai, no bil vide a dure de skale. ye fa da furi.

da su son, Nitkuma, vide da su pa e haha. da ding truke a da su pa. dite 'ke sabu tu no bande da a tu su posike? pos di, tu bil vide e skale'. Anansi furi di a da su son, e es max furi a sabu de da su son es sahi. da krita a da su son e vol fa pos da, ama, a dure de teste, da dape pote, ki pada in rivo.

san xe ki Anansi pas jame pada in sui e anjame in pan dike. posime, barxa be xuru e san xe be anjame hata di max for, pandunial di. ye fa Anansi hata di max furi, ama posime Nitkuma dite 'ke hau es ha pan san xe? zoku tu su son tu fa truke.' Anansi le aha ki no be sel jame pan san xe to tu. san xe be sel konife kon pan jen.