tri behe e un gui

tarjum da Erjo

na tele pas, un gui be dom na nicha da un kio, jo transe un rivo. la gui ya ten un dus rupa. ye ten yen jo dai ka tasa, e nos jo long ka bele.

na un den, la gui ya audi un lili soni ze supra da kio. «ke jen ya marche na mi su kio?» la gui ya krita. «oh! un di zai mi, lili behe» un lili behe ya loga. ye dai shush di loga, e fa zoku: «mi marche do gazo topo na jo mi sha yam do mi si gola».

«zai mi kape tu!» loga la gui.

«no, no!», la lili buze ya loga. «no kape mi, ze sabu da mi si lili lili. un di lili deng, e medi behe sha marche. ye si mas dai». «oke», la gui ya loga.

na pos da lili zaman, un soni be audi ze supra da kio. «ke jen marcha na mi su kio?», la gui ya krita. «oh! si mi, medi behe. mi move do gazo topo na jo mi sha yam do mi si gola», la medi behe ya loga. ye no shush di loga.

«zai mi kape tu!» la gui ya loga.

«no, no! no kape mi» la medi behe ya loga. «lili deng, e dai behe sha marche. ye si dai dai». «oke» be loga la gui.


Image designed by Ajipebriana, brgfx, upklyak / Freepik

na pos da lili zaman, bari kelele be audi ze supra da kio. «ke jen marche na mi su kio?», la gui ya krita. «mi, dai behe», la dai behe ya loga va dai soni.

«zai mi kape tu!» la gui ya loga.

«ya, ching lai! mi ten du korne, va jo mi sha harabu tu su yen. mi ten du dai jeng seku, va jo mi sha parcha tu su oste.»

e pos la, la dai behe ya harabu gui su yen, e parcha la gui su oste, e lanse la gui do rivo. pos la, ye marcha do gazo topo. na gazo topo, pan behe yam do se si gola. yemon sun no ten la energi do fuka do dom. e gar yemon zoku no ga, yemon zoku si gola.