Skip to content

shau baru su pati dante

un suba, ma baru ya yau to la bazar. da loga to shau baru: "no yam yo kandi o keke a dura de mi a bazar." shau baru ya loga: "ya, ya, mama! mi san da. mi un dai baru. ching to vai!" ma baru ya loga "sal" i da to vai.

shau baru e unike. da fikir: "mi zai bil fa eni she, ki mi vol!"

shau baru ya move to vashi kamar. da fikir "mi no vol vashi mi su dante a zai." shau baru e dus.

shau baru ya tire un shau kar a pan un kamar. da vide la keke sanduku a meza. da fikir "mi vol yam keke!" a da memo: "a! mama haram mi yam keke." shau baru no yam keke.

shau baru ya vide la kandi botel a almari. da fikir "mi vol yam kandi!" a da memo: "a! mama haram mi yam kandi." shau baru no yam kandi.

shau baru vide la medu pote a alo almari. da fikir: "mama loga siro she tema de medu. mi bil yam medu!" shau baru ya side a kursi i da yam shau medu. medu ya hau guste!

shau baru ya yam pan medu.

pos, shau baru ya sense un sense, ki da no san, a boke. da su dante pate!

da kape la tele fon gi. da loga: "salam! sual tu e dante dava ja? ching lai to mi! mi ha un pate dante!"

la dava ja ya lai to baru famili su dom. da loga: "sual tu yau mede?" shau baru loga: "ya! mi ha pate dante!"

la dava ja ya ching la shau baru ya side a kursi i kai se su boke. "aha! un dante e poli dus! mi mus kape da to ekse"

la dava ja ya jusha yo dava she to dante nama a karibu de dus dante. shau baru no sente la pate de zai.

la dava ja ya tire la dante va pinse gi. a la dante no lai!

vaf ya lai mede la dava ja. la dava ja i vaf ya tire la dante, a la dante no lai!

mau ya lai mede la dava ja i vaf. la dava ja i vaf i mau ya tire la dante, a la dante no lai!

ekore ya lai mede la dava ja i vaf i mau. la dava ja i vaf i mau i ekore ya tire la dante...

la dante lai to vai!

la dava ja ya loga to shau baru: "la dus dante zai a vai. ching memo uze un dante brosha a pan un suba i a pan un sham!" shau baru ya vode memo.

shau baru loga: "shukra, dava ja i vaf i mau i ekore!"

shau baru ya vashi da su dante va un dante brosha a pan un suba i sham.

ma baru ya note la shau baru fa mas hau di hafiza se su dante. mama loga: "tu e hau shau baru!"